మతం ముసుగులో

మతం ముసుగులో మంటలు!

కులం చాటున చింతలు!

నాదే గొప్ప నీది తుప్ప..

అని విర్రవీగేను గొంతులు   ||2||

దాడ్రి లోన దాడి లోన

మీది ముసుగు గోవుది!

రాత్రివేళ రాలిపోయిన

శై`శవాలు` రాజపుటనుది!!  ||మతం||

పంచనదుల నేల ఉడికెను

గురుగ్రంథ పేజీలు చిరుగగా!

శిరసు సిరముతో తడిసెను

భ్రాత రాతలు చిలుకగా!!   ||మతం||

ఉదంపూరు ఘటన లోన

దేహం విడిచెను సందేహమై!

కలబుర్గి కనులుమూసెను

తన రచనే తూటా పేల్చగా!!||మతం||

దాష్టికాలు దావానాలు

దేశమును దహించగా!

దేశభక్తి సుత్తి సూక్తులు

దశను దిశను మార్చుతాయా?

మూలం వదిలి మూఢమైన

మూర్ఖులు మారుతారా?