గాడి తప్పిన ఉగాది 

ఆరు ఋతువుల యేడు గడువగా ,

మరల వచ్చెను ఆమని..

శిధిలమైన మోడు చివరన ,

చిగురు పూతను రమ్మని..

గుబాళించెను గాలిలోన ,

పిందె మామిడి గుమ్మని..

ఇలా..

అనగనగా వాసంతమనీ ,

కాలపు కథలు చెప్పనీ ..

నేడు చూస్తే ఎండలు ..

ఏడ చూసినా మంటలు ..

నీడ లేక,గాలి రాక..

ఉసూరు విసిరెను ఊపిరి..

చెట్టు చుట్టం దూరమవ్వగా,

పలకరింపే కరువయ్యెను..

ప్రకృతమ్మను గెంటివేయగా,

నేడు అయితిని  అనాథను..

రక్ష రక్ష .. నిలుపు శిక్ష ..

ఇంక చాలు లెమ్మనీ ,

లెంపలేసుకుని అడుగుదామా?

ప్రాణభిక్షను  ఇమ్మనీ ..

తారు అడవి నడుమలోన ,

తఱువు నీడను నిలుపుదాం..

మనతో బాటుగా, మనతోడ్పాటుగా,

ప్రకృతి పెద్దమ్మను పెరగనిద్దాం ..