బలం - బలగం

బలగం బలం గా భావించా...

బలహీనత అని తెలిసేసరికి 

జాప్యం జరిగింది ..

ఏ దారం పై ఆధారపడితే

పతంగు లా ఎగిరానో..

అది తెగిన వేళ నేల కు

రాలి పడతానని తెలిసేసరికి

జాప్యం జరిగింది ..

నూ నె ను నమ్ముకున్న ప్రమిదల ఉండాలా..? 

కార్చిచ్చు మల్లె.. ఎగసి అడివిని ఆరగించాలా..?

అంతర బల ప్రదర్శనకు దిగాలా..?

ఆంతర్య బలదర్శన కై ఆగాలా..?

పక్కన నిలబడని ప్రపంచాన్ని నిందించాలా..?

ప్రపంచం తో కలబడే వాళ్ళ పక్క నిలబడాలా..?

సశేషం అంటూ.. సాగతీయాలా..?

శేషం లేకుండా సమాధి చేయాలా..?