మది మధనం

మళ్ళీ వచ్చింది నేడు;

రేపంటే భయంతో..

కూడిన ఆశల నయనం!

మళ్ళీ వచ్చింది నేడు;

ప్రశాంతపు గమనం ను..

వీడిన ప్రలోభ పయనం!

ఇల్లు వదిలి..ఊరు వదిలి..

అక్కరలనొదిలి వెడలుతున్నా;

చేరుకుంటానో లేదో తెలియకున్నా!

నడి బాట నదిలో ఆగిపోతానో;

చివరి మజిలి చాలించి ఎదిగిపోతానో!

పైకి భీకరంగా కదులుతున్నా;

గుండెలో భీతి కుదుపుతుంది!

అడుగేసాక వెనక్కి రాలేని..

కాల ప్రయాణం లో ;

ఎదురేగాక వెన్ను చూపలేని..

విధిపోరాటం లో;

గెలుపోటములు తెలియదు కానీ;

ఆర్తి ఆరాటం తీరుతుందేమో!

ఎన్ని వేళ్ళు నన్ను దోషిగా చూపుతాయో;

ఎన్ని చేద్వయాలు తమ ధ్వనులతో నన్ను చేరుతాయో!

భవిష్యవాణి తెలీని యువకుడి;

అంతర్వాణి మది మధనమిది వినండి!!