ద్వేషపు యుద్ధం

యుద్ధం నరమేధం..

సిద్ధం కమ్మంటూ... 

ముందుకు తోసిందా ..

దేశపు ఆదేశం...

సరిహద్దుల కంచెలలో..

చిందెను ఆ-కలి రక్తం..

గీతల చెరలలో ..

చెదిరెను ఆఖరి స్వప్నం..

ఆదాయం కొఱకై.. 

దాయాదుల ఆరాటం..

ఆ దమ్ముల గొడవలలో..

మిగులుతుంది అఖాతం..

మతం మకిలి ముసుగులలో..

వెకిలి ద్వేషం ఎగిసింది..

ఆ దేశపు వాడంటే..

ఈసదింపె కలిగింది..

గెలుపోటములు తేల్చేది ..

నెత్తుటి మాంసపు ముద్దలా?

సమస్యలన్నిటి విరుగుడు..

సంహారపు మనిహారమా?