మనిషి X దేవుడు

మనిషి:

అర్ధిస్తేనో ఆరాధిస్తేనో ఆదరించేది మనిషి

అరిస్తేనో ఆక్షేపిస్తేనో చీదరించేది  మనిషే

మలినాలు  మరణాల జీవజాలం మనిషి

దైవం:

నమ్మకాల పెంపకాల్లో చిగురించిన దేవుడు

భయాలభయాల నడుమ కీర్తి గడించిన దేవుడు

ఊహాజనిత క్రియాప్రక్రియల రూపం ధరించిన దేవుడు

జీవుని ఆరాటం - దేవుని పోరాటం:

జీవుడు దేవుడు ల మధ్య సాగే పోరాటంలో 

నిరంకుశంగా నెగ్గేది దేవుడే నలిగేది జీవుడే

ఎందుకంటే దేవుడి ఉనికే జీవుడి ఆరాటంలో

ఇంద్రియ నిగ్రహం లేని అసమర్థుడు

ఇంద్రాది విగ్రహ విరాట స్వరూపాలే 

యజమానులు గా భావించి సేవిస్తాడు

తన బానిస భావజాలంలో బతుకీడుస్తాడు