మనసుకు ఏమైంది?

ఆమె:

ఏదో మాయే నిన్నే చూపిందా! నాలో హాయే నేడే రేగిందా!!

అడుగే కదిలే నీవైపే.. ఏవైందో ఈ వేళా!

విసుగే రాని జల్లే లోలోన కురిసిందే  

నన్నే కమ్మేసిన మేఘానివి  నీ వేనా!!

అతడు:

పద పద పదమని  మనసిలా..

జతపడమని అడిగెలె ఇపుడిలా..

మన కథ పథమని తెలిసెలే..

ఒకటవమని ఒరవడి కోరిందిలా..

ఆమె:

తడిసిన మనసుని ..తడిపిన మనిషిని

తనువుగా కోరతా.. అనువుగా అలుగుతా..

లతనై నేరుగా తననే చేరుతా

మదినే తాకుతా.. తనుగా మారుతా..

అతడు:

కాలం ఖర్చు చేసి .. కట్టేస్తా ఓ కోటా..

కలలా సామ్రాజ్యం లో.. నా రాణి నువ్వేనటా!

ఖండాల అందాలు నేసి..పెట్టిస్తే ఓ పూట..

ఆనందాల హరివిల్లు ..నీ నవ్వై పూచేనటా!!

ఆమె:

నా కంటు నీవుంటే ...నీ కౌగిలే  నా ఖనిజపు కోటగా..

నీ వెంట వస్తుంటే..అది అడవైనా అదిరేనుగా..

నీ వంటు నాకుంటే.. నీ చిరునవ్వే నా హరివిల్లు గా..

వందేళ్లు ఉందాము..ఇలా ఊసులే శ్వాసగా..

అతడు:

ఏమి సోదరా మనసుకు ఏమైంది ఇలా

తేలిపోతున్నానా గాల్లో అలా

ఓరకంటితో చూస్తుంటే తనే ఇపుడిలా..

ఈ పయనం కలకాలం సాగిపోవాలి నీతో జతగా..

ఆ నీలి మేఘాలు ఆ సప్త వర్ణాలు ఆ సంద్ర కెరటాలు

ఒకటై ఇలా ఆరారు కాలాలు ఏడడుగులు

నీతోనే నడిచే వరమే ఇచ్చాయి గా..